Расширенный поиск
20 Мая 2024 года
Логин: Регистрация
Пароль: Забыли пароль?
Навигация
Словарь
  • Аман къатын алгъан, арыр, иги къатын алгъан джарыр.
  • Этек чакъмакълары баш джаргъан, сёлешген сёзлери таш джаргъан.
  • Ариу сёз – къылычдан джити.
  • Ётген ёмюр – акъгъан суу.
  • Адам туугъан джеринде, ит тойгъан джеринде.
  • Джашынгы кесинг юретмесенг, джашау юретир.
  • Къатын къылыкъсыз, эр тынчлыкъсыз.
  • Окъумагъан сокъурду, сокъур ташха абыныр!
  • Башда акъыл болмаса, эки аякъгъа кюч джетер.
  • Акъдан къара болмаз.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Келинни – келгинчи, бёркню кийгинчи кёр.
  • Чыбыкълыкъда бюгюлмеген, къазыкълыкъда бюгюлмей эди.
  • Махтаннган къыз, тойда джукълар.
  • Къарыусузгъа кюлме, онгсузгъа тийме.
  • Окъугъанны бети джарыкъ.
  • Сакъламагъан затынга джолукъсанг, не бек къууанаса, не бек ачыйса.
  • Арба аугъандан сора, джол кёргюзтюучю кёб болур.
  • Чыкълы кюнде чыкъмагъан, чыкъса къуру кирмеген.
  • Ишленмеклик адамлыкъды.
  • Байны къызы баймакъ болса да, юйде къалмаз!
  • Къая джолда джортма, ачыкъ сёзден къоркъма.
  • Хунаны тюбюн къазсанг, юсюнге ауар.
  • Окъ къызбайны джокълайды.
  • Асхат ашлыкъ сата, юйдегиси ачдан къата.
  • Уллу къашыкъ эрин джыртар.
  • Ёзденликни джайгъан – джокълукъ.
  • Бозанг болмагъан джерге, къалагъынгы сукъма.
  • Кесине оноу эте билмеген, халкъына да эте билмез.
  • Эки къатын алгъан – эки ташны ортасына башын салгъан.
  • Кёб къычыргъандан – къоркъма, тынч олтургъандан – къоркъ.
  • Сибиртки да сыйлы болду, кюрек да кюнлю болду.
  • Къыз чыгъаргъан – къызыл къымжа.
  • Окъдан джара эртде-кеч болса да бителир, сёз джара, ёмюрге къалыр.
  • Сангырау къулакъ эл бузар.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Ата джурт – алтын бешик.
  • Ёксюзню къалачы уллу кёрюнюр.
  • Зар адамны насыбы болмаз.
  • Къыйынлы джети элге оноу этер.
  • Таш бла ургъанны, аш бла ур.
  • Тилчиден кери бол.
  • Рысхы джалгъанды: келген да этер, кетген да этер.
  • Эртде тургъан бла эртде юйленнген сокъуранмаз.
  • Байлыкъ адамны сокъур этер.
  • Эртде тургъан джылкъычыны эркек аты тай табар.
  • Чомарт бергенин айтмаз.
  • Аджашханны ызындагъы кёреди, джангылгъанны джанындагъы биледи.
  • Адамны адамлыгъы къыйынлыкъда айгъакъланады.
  • Шайтан алдады, тюзлюк къаргъады.